Malipayon nga nakadawat og 10kls. nga bugas ang mga senior citizen sa Barangay TuyanCovered Court sa Naga City, Cebu niadtong Hunyo 12, 2026.
Ang maong ayuda kabahin sa Assistance to Indigent Individuals or Families–Food Assistance (AIIF-FA) Program ubos sa “Every Town Makinabang” nga inisyatiba ni Presidente Bongbong Marcos Jr.
Matag pamilya nga adunay senior citizen makadawat og 10kls. nga bugas matag hugna sa distribusyon. Adunay upat ka hugna sa pagpanghatag nga ipahigayon matag ikaduhang bulan, depende sa anaa nga pondo.
Nagpasalamat ang mga benepisyaryo sa maong programa nga dakong tabang sa ilang adlaw-adlaw nga panginahanglan ug sa padayon nga suporta sa nasudnong kagamhanan.