Waray makalusot ha mga otoridad an usa nga lalaki mahuman ini maaktuhan nga nangangawat ha San Juanico Bridge, Brgy. 97 Cabalawan, Tacloban City, kakulop, Mayo 27, 2026.
Samtang nagbubuhat hin motorcycle patrol ha San Juanico Bridge an mga personales han 805th Maneuver Company han Regional Mobile Force Battalion 8 (RMFB-8), naaktuhan nira an suspek nga ginpapaniguruhan pag-utud an mga alambre nga naka-installar ha ilarom han tulay, hinungdan han dayon nga pag aresto ha iya.
Ginkilala an suspek ha alyas nga “Jerry,” 27-anyos nga construction worker, ngan residente han Sta. Rita, Samar.
Narekober tikang ha iya an purluminos 200 ka metros hin electrical wire nga mayada ginbabana bana market value nga P10,000, upod an usa ka padis hin pliers.
Yana, nakapailarom an mao nga suspek ha kustodiya han Tacloban City Police Office – Police Station 3 para han dokumentasyon ngan sakto nga disposisyon.
Source: RMN Tacloban