Nagpahigayon ang DSWD Field Office 7 – Central Visayas og Emergency Cash Transfer (ECT) payout alang sa mga benepisyaryong naapektuhan sa Bagyong Tino niadtong Mayo 22, 2026 sa Poblacion Gym, Lapu-Lapu City, Cebu.
Mikabat sa 1,833 ka target beneficiaries ang nakadawat og pinansyal nga ayuda pinaagi sa kalihokan nga gipangulohan ni Disaster Response Management Division (DRMD) Chief Lilibeth A. Cabiara uban sa mga kawani sa DSWD 7 ug lokal nga panggamhanan.
Matod ni Shalaine Marie S. Lucero, tumong sa ahensya nga masiguro ang propesyonal, organisado, episyente, ug beneficiary-centered nga payout sa tanang implementing LGUs.
Padayon usab nga gipalig-on sa DSWD 7 ang ilang pasalig sa paghatag og dali ug responsive nga tabang sa mga komunidad nga naapektuhan sa kalamidad aron matabangan ang mga pamilya sa ilang pagbangon ug pagsugod pag-usab.