Nagkaada hin bag-o nga paglaum ngan panibag-o nga kabubuwason an tulo nga kabataan matapos hira opisyal nga maampon ha ilarum han Adoption and Alternative Child Care program nga ginpangunahan han Department of Social Welfare and Development (DSWD) ngan National Authority for Child Care (NACC) hadton Mayo 20, 2026 ha Pacific Point Events Place and Resort ha San Jose, Tacloban City.
An pag-ampon in nagin malinampuson ipinaagi han NACC-LGU Partnership (NLP) program, nga nanunuyuan nga maghatag hin permanente nga pamilya mag-aataman ha mga kabataan nga nagkikinahanglan hin gugma ngan proteksyon.
Gin-attendan an aktibidad han mga opisyal sugad kanda Janella Ejercito-Estrada, Erickson Luz, ngan Alfred S. Romualdez, upod an mga representante han lokal nga pamunuan ha Rehiyon 8.
Sumala kan Ferdinand Martin Romualdez Jr., an programa diri la simpleng inisyatibo kundi simbolo han tinuod nga pagkaurosa ngan kolektibo nga responsibilidad ha paghatag hin mas maopay nga kinabukasan ha kabataan.
Padayon nga ginpapaningkamotan han DSWD, NACC, ngan an LGU Tacloban an pagparig-on han mga programa nga nagduduso han katungod, seguridad, ngan kaupayan han kada batang Pilipino.
Source: RMN Tacloban