Waray pakalusot ha mga otoridad an usa nga lalaki mahuman ini makuhaan hin pira kapakete hin gin aaligar shabu ha ginbuhat nga buy-bust operation han San Isidro Municipal Police Station ha San Isidro, Leyte, yana nga adlaw, Mayo 18, 2026.
Ginkilala an suspek nga hi alyas “Bebs,” 38-anyos, single, ngan residente han Brgy. Banat-i, San Isidro, Leyte.
Durante han operasyon, nakompiskar han mga operatiba an upat (4) kapakete hin gin aaligar shabu. Narekober gihapon tikang ha suspek an buy-bust money, ngan iba pa nga ebidensya.
Ginmarkahan naman ngan gin imbentaryo ha lugar han pag aresto an mga ebidensya, ha atubangan han suspek mismo ngan han mga ginkinahangalan nga testigo, ha pagsunod han mga legal nga proseso.
Kataliwan in gindara an mao nga suspek ha San Isidro MPS para han dokumentasyon ngan sakto nga disposisyon.
Source: RMN Tacloban