Nadakop an duha nga kalalakin-an matapos masakpan nga nangangawat hin gamit tikang ha dredging vessel han Department of Public Works and Highways (DPWH) Region VIII ha Brgy. 75, Fatima, Tacloban City alas 11:00 han gab-i, Mayo 11, 2026.
Ginkilala an mga suspek ha alyas nga “Ogie,” 27 anyos ngan hi alyas nga “Rub,” 29 anyos, nga pareho residente han Sagkahan, Tacloban City.
Subay ha report han Police Station 1 (PS1), ginkarga han mga suspek ha pedicab an usa nga watertight door tikang ha dredging vessel nga nagkakantidad hin P150,000.
Dayon nga gin-aresto an mga suspek ngan gindara ha PS1 para han sakto nga disposisyon.
Source: RMN Tacloban