Dara han umentado nga gastos ha produksyon tungod han naghitaas nga presyo han petrolyo, purluminos 2,400 nga mga parag-uma ha Baybay City, Leyte an nakakarawat hin P2,325 nga financial assistance ha ilarom han Presidential Assistance to Farmers and Fisherfolks (PAFFP) nga ginpatuman han Department of Agriculture Regional Field Office 8 ngada han Abril 29, 2026.
An mga benepisyaryo, nga tanan in nakarehistro ha ilarom han Registry System for Basic Sectors in Agriculture (RSBSA), in gintudlok kumo mga aktibo nga parag-uma durante han pag umento han presyo ha lana. Duon pa han mga benipisyaryo nga nakakabulig gihapon ha ira an cash aid nga atubangon an nagtitikahitaas nga mga gastos ha uma, upod na an mga kinahanglanon para han produksyon han mga pananom.
Pareho gihapon nga distribusyon an ginbuhat ha iba pa nga parte han Sinirangan Bisayas, sugad ha Southern Leyte, Basey, ngan Tacloban City, ha pagpahilawig han abot han programa ngadto hin mas damo nga mga parag-uma nga apektado han paghitaas han gastos ha gasolina ngan produksyon.
Source: RMN Tacloban