Unom nga miyembro han Communist Terrorist Group (CTG) an nagsurrender ha Philippine National Police Police Regional Office 8 kabahin han padayon nga kampanya kontra insurgency ha Eastern Visayas.
Han Abril 24, nagsurrender hi alyas “Jaime”, 46 anyos tikang Oras, Eastern Samar, ngan hi alyas “Marlon”, 41 anyos tikang Leyte, Leyte. Ginturn-over ni “Marlon” an usa nga .38 revolver, duha nga bala, usa nga 40mm rifle grenade ngan detonating cord.
Han Abril 25, nagsurrender naman hi alyas “Ronnie”, 28 anyos tikang Catarman, Northern Samar. Samtang han Abril 26, nagsurrender hira alyas “Jerry”, 32 anyos tikang Lope de Vega, Northern Samar ngan ginturnover an iya rifle grenade, hi alyas “Jose”, 42 anyos tikang Bobon, Northern Samar, ngan hi alyas “Ruel”, 60 anyos tikang Dolores, Eastern Samar.
Sumala kan PBGen. Jason L. Capoy, Regional Director han PRO-8, an sunod-sunod nga pagsurender nagpapakita han kalamposan han operasyon ngan pakig-sumpayan han kapulisan ha komunidad basi tapuson an armado nga pakigbisog ha rehiyon.
Yana, aada na ha kustodiya han kapulisan an mga nagsurrender ngan nakatalaan igsulod ha programa han gobyerno nga Enhanced Comprehensive Local Integration Program (E-CLIP) para ha ira reintegration ha komunidad.
Source: #RMNTaclobanNews