Nagluntad ang engkwentro sa tunga sang gina-alegar remnants sang New People’s Army kag tropa sang 79th Infantry Battalion sang Philippine Army sa boundary sang Sitio Mag-aboabo, Brgy Marcelo kag Sitio Balea, Brgy Laga-an, Calatrava alas-7:45 kagab-i.
Ang bayluhanay sang lupok batok sa alleged Communist Terrorist Groups (CTGs) ang naglawig sang 10 ka minutos.
Wala pa matumod kun ano ka damo ang mga rebelde nga nakasumpong sang militar.
Nagpatigayon naman sang checkpoint sa Brgy Suba, Calatrava, samtang nagpatigayon man sang hospital visitation ang militar agud matumod kun may na-ospital nga nasamaran nga rebelde.
Source: Bombo Radyo Bacolod