Gipakita sa Sagay City Destination Pavilion ang identidad sa syudad isip “Destination for the Next Generations,” pinaagi sa pagpasidungog sa marine biodiversity, community-based tourism, ug pagpanalipod sa kalikupan, sumala sa Sagay PIO.
Sulod sa pavilion, makita ang tradisyonal nga pagpangisda ug usa ka interactive nga underwater-inspired area nga nagpakita sa Museo sang Bata sa Negros, diin ang kabatan-onan nagbahagi og kahibalo sa kinabuhi sa dagat.
Matud ni Tourism Officer Helen Arguelles-Cutillar, gipasiugda karong tuiga ang papel sa mga mangingisda isip biodiversity heroes. Nagsugod na ang paningkamot sa Sagay sa konserbasyon hapit 60 ka tuig na ang milabay ubos ni Gov. Alfredo Marañon Jr.
Gipasiugda usab ang lokal nga negosyo, seafood, ug sustainable livelihood. Si Mayor Leo Rafael “Bebo” Cueva miingon nga ang pavilion nagpakita sa paningkamot sa syudad sa pagpanalipod sa kalikupan ug pagtukod og mas maayong kaugmaon.
Soure: Visayan Daily Star