Guihulngan, Negros Oriental- Nagtapos sa Alternative Learning School ang tatlong dating rebelde nitong Setyembre 8, 2022 sa Brgy Poblacion, Guihulngan City, Negros Oriental.
Naging posible ang kanilang pag-aaral sa tulong ng 62nd Infantry (Unifier) Battalion, Department of Education, DepEd Division of Guihulngan City at ng Guihulngan City Task Force to End Local Communist Armed Conflict (GCTF-ELCAC) na siyang nagbigay daan upang mapadali ang kanilang pag-aaral.
Kabilang ang tatlo sa mga nagtapos sa Alternative Learning School sa rehiyon na dumalo sa kanilang graduation ceremony na may temang: “Gradweyt ng K to 12 Masigasig sa mga Pangarap at Matatag sa mga Pagsubok.”
Lubos naman silang nagpasalamat sa pamahalaan at sa mga ahensya nito na siyang naging daan upang magkaroon sila ng panibagong pag-asa at makamit ang kanilang mga pangarap na makapagtapos sa pag-aaral.
Source: Philippine Army