Arestado ang tatlong katao kabilang ang isang dayuhan sa loob ng condo sa Barangay Apas, Cebu City sa isinagawang buy-bust operation ng PDEA-7 nitong Martes ng hapon Nobyembre 29, 2022.
Kinilala ang mga suspek na sina Allan Ross, 44, British national at web designer; Miraflor Verona, 30, at Jasmin Hyacinth Medez, 19, college student.
Nakumpiska sa operasyon ang walong (8) sachet ng hinihinalang shabu na tumitimbang ng humigit-kumulang 50 gramo na tinatayang nagkakahalaga ng P340,000, buy-bust money, isang cell phone, at iba’t ibang drug paraphernalia.
Nahaharap ang mga suspek sa kasong paglabag sa RA 9165 (Comprehensive Dangerous Drugs Act of 2002).