Patay ang duha pa ka miyembro sang mga Communist Terrorist Group (CTG) sa natabo nga encounter batok sang 47th Infantry (Katapatan) Battalion sang Army sa Sitio Laos Dako Barangay Binobohan sa Guihulngan City, Negros Oriental sini lang January 31, 2026.
Natabo ang amo nga engkwentro matapos makabaton sang report ang mga government forces halin sa mga concerned residents kaungod sang mga nabilin pa nga miyembro sang CTG nga katapo sang Central Negros 1.
Nakumpiska sa encounter site ang isa ka M16 rifle; apat ka long magazines; isa ka caliber .45 pistol; isa ka hand grenade, kag nagakalain-lain nga mga assorted subversive documents.
Sang January 30, napatay man ang duha ka mga CTG members sa Binalbagan, Negros Occidental.
Suno pa sang liderato sang 3ID nga nangin posible ang amo nga operasyon sang nga militar bangud dang bulig kag kooperasyon sang tanan nga mga residente, sang ila nga pag-report sa mga impormasyon sang mga armadong grupo.
“These successive operations highlight the strong partnership between our soldiers and the people of Negros. The bravery of our troops, combined with the vigilance of local communities, is steadily weakening the remnants of the CTG. Rest assured, we will continue to pursue these lawless elements until lasting peace and development are achieved in Negros Island,” suno pa ni MGen Michael G Samson, Commander sang 3rd Infantry Division.