Arestado ang dalawang indibidwal sa isinagawang buy-bust operation ng mga kawani ng Negros Oriental Police Provincial Office sa Barangay Puan, Vallehermoso Negros Oriental, Linggo, Agosto 28, 2022.
Binigyang kilala ang mga naaresto na sina Delon Cabalquinto, 28, at Winter Bacurnay, 38.
Nakumpiska mula sa mga naturang suspek ang maliliit na heat-sealed transparent plastic sachet ng hinihinalang shabu na may timbang na 7.2 gramo at tinatayang street value na Php48,960.00, at buy-bust money.
Kasalukuyang nasa kostudiya ng kapulisan ang mga naaresto habang inihahanda ang kaukulang kaso na isasampa sa korte.