Panalo ang dalawang atletang Negrense sa ginaganap pa lamang na ika-11 ASEAN Para Games sa Solo, Indonesia.
Si Ariel Joseph Alegarbes ng Victorias City ay nakakuha ng dalawang gintong medalya matapos nanguna sa Men’s 100m Backstroke S14 event at Men’s 50m Butterfly S14 Para Swimming. Habang inaantay pa niya ang kanyang pangatlong event na 50M Freestyle sa darating na Agosto 5, 2022.
Samantala, nakasungkit naman ng dalawang silver medal si Achelle Guion ng Sipalay City sa Women’s 45kg Para Powerlifting competition.
Samantala, mayroon ng 14 medalya ang Pilipinas, 5 gold, 5 silver at 4 bronze sa buong kompetisyon habang nanguna naman ang bansang Indonesia sa may pinakamaraming medalya kung saan mayroong 42 kabuuan, 18 gold, 12 silver at 12 bronze.
