Mokabat sa 195 ka drayber ug konduktor ang nakadawat og tag-10 kilo nga bugas gikan sa Cebu Provincial Government atol sa distribution activity sa North Bus Terminal niadtong Hunyo 5, 2026.
Ang mga benepisyaryo nakadawat sa ayuda ubos sa padayon nga rice subsidy program sa Capitol alang sa transport sector.
Gitumong ang programa aron makatabang sa mga trabahante sa transportasyon nga naapektuhan sa pagsaka sa presyo sa gasolina ug uban pang gastuhanan sa adlaw-adlaw nga panginabuhi.
Gihimo ang distribusyon sa pakigtambayayong sa LTFRB Region 7, samtang gi-evaluate pa sa Capitol ang dugang nga schedule aron maapil ang ubang rehistradong transport groups sa Sugbo.