Naaresto ng mga awtoridad ang isang 19 anyos na lalaki sa kasong Sexual Assault sa Brgy. Hamorawon, Calbayog City, nito lamang Biyernes ika-3 ng Pebrero 2023.
Kinilala ang suspek na si alyas Rey, 19 anyos, walang trabaho at residente ng P-6, Brgy. Hamorawon, Calbayog City.
Naaresto si Rey sa bisa ng Warrant of arrest para sa kasong Sexual Assault na inisyu ni Hon. Cicero T Lampasa, Acting Presiding Judge, Regional Trial Court (RTC), Branch 32, 8th Judicial Region, Calbayog City, na may inerekomendang piyansa na Php120,000.00 para sa kanyang pansamantalang Kalayaan.
Ang suspek ay nasa kustodiya na ng Calbayog CPS upang dumaan sa dokumentasyon at tamang disposisyon.