Tinatayang Php36 milyong halaga ng mga giant clam shell ang nasabat ng Criminal Investigation and Detection Group ng Central Visayas (CIDG 7) sa Barangay Tapilon, bayan ng Daanbantayan, sa lalawigan ng Cebu.
Nahuli ang 12 indibidwal na sangkot sa paglabag sa batas ng pagbebenta ng kabibe, kabilang ang negosyanteng nakabase sa Liloan na si Carla Czarina Cañazares Camacho, 41. Nakumpiska ng mga operatiba ng CIDG ang 133 malalaking shell na may bigat na 3,000 kilos.
Nakiisa rin sa operasyon ang mga tauhan ng 300th Air Intelligence Security Wing ng Philippine Air Force (PAF), Fishery Law Enforcement Group ng Bureau of Fisheries and Aquatic Resources 7 at Philippine Coast Guard.
Nagbenta umano si Camacho ng isang kilo ng giant clam shell sa halagang P12,000.
Bukod kay Camacho, inaresto rin ng CIDG 7 ang mga kasamahan nito na sina Caryl Yanong, Gilbert Monterde Jr., Genesis Diamos, Federick Beloria, Cham Diamos, Freddie Beloria, Esteban Natural Jr., Elier Cañete, Alex Baslan, Clodualdo Petere Jr., at Salvador Camino Jr. Kakasuhan sila ng paglabag sa Republic Act (RA) 8550, na kilala rin bilang Philippine Fisheries Code of 1998.
Source | https://www.sunstar.com.ph/article/1931816/cebu/local-news/cidg-7-arrests-12-persons-for-selling-giant-clam-shells-worth-p36m